الطوب الطفلي

دلوقتي يا هندسه انت ربنا كرمك وبقيت مسئول عن تشطيب شغل .. ايا كان بقي وظيفتك ف الشركه كدا او حتي شغل اهالي خاص بيك ..

🙄
ايه اول حاجه المفروض تحصل ؟!

🤔
اول حاجه يا سيدي اننا نقفل جدرانا بالطوب ...!

👌
طب هل في عندنا نوع واحد من الطوب ؟!

🤔
- اقولك لا .. احنا عندنا ف مصر انواع كتير منها القديم وقليل ما بيستخدم انهارده
ومنها الجديد اللي موجود ف السوق بتفاوت درجات استخدامه.

اول حاجه هندردش فيها هي الطوب الطيني ...
ودا ينقسم لنوعين:
طوب نئ و طوب احمر
الطوب النئ هو اللي كان مستخدم بشكل كبير زمان في الأرياف و كان بيتصنع من ضفاف الأنهار بالاضافه للتبن بس تصنيعه بدائي جدا و قدرة تحمله للاجهادات ضعيفه ومعدناش بنستخدمه دلوقتي تقريبا.
بعد كدا بدا طورنا صناعه الطوب و ظهر الطوب الأحمر اللي مر بمراحل كتيرة اتطورت فيها طريقه التصنيع و بالتالي زاد قدرته علي تحمل الاجهادات حيث بدأ بالطوب الأحمر البلدي
و طوب ضرب السفره
و طوب قطع السلك
و المضغوط
وصل في النهايه للطوب الطفلي المستخدم حاليا ف معظم شغلنا.
- مقاسه القياسي هو 25*12*6 سم مكعب
و لكن المقاس الموجود حاليا ف السوق هو 20*10*6 او 21 او 22
بس ف شغلك لو محتاج طوبه معينه بتكلم المورد وتتفق معاه عليها وكله بتمنه طبعا.
الطوبه دي بتتحمل ضغط مقداره 450 كجم/سم2 .

😉

وخلي بالك انه بيتم بناء الحوائط الخارجية و حوائط الجار بسمك طوبه أي 25 سم لعزل الحرارة و الصوت و بناء الحوائط الداخلية بسمك نصف طوبة أي 12 سم لتوفير مساحه داخليه بين الغرق

ونوع الطوب دا بيتم استخدامه في بناء جميع الحوائط ما عدا الأماكن المعرضة للمياه مثل مباني قصه الردم و من الممكن عدم الاستعانة به في بناء الثلث الأول من حائط الحمام و المدماك الأول و الاخير من جميع الغرف و الأماكن المعرضة للتكسير مثل حلوق الأبواب و الشبابيك .
الطوبه دي ضعيفه نسبيا خلي بالك بسبب وجود الفراغات و لا يتحمل التعرض المستمر للمياه و اخف من الطوب الاسمنتي ....!
ف البوست الجاي ان شاء الله هنكمل نوع تاني من الطوب ونعرف الفروق بين الانواع المختلفه باذن الله .