الكود

* تعرف ايه عن الكود ؟؟؟

🙄
- الكود هو عباره عن مجموعه من الفصول اللي بتحتوي علي كل ما يخص عملية تشييد المنشات من معادلات وقوانين هندسيه واشتراطات وملاحظات فنيه لتنظيم عمليتي تصميم وتنفيذ المنشات المختلفه ؛ ودا عشان نضمن الحد الادني من معايير الجوده ال بتضمن كفاءه وسلامه كل المنشات.

👌
- بالتالي يعتبر الكود هو قانون او دستور بيحكم المهندسين والمقاولين في كل المشاريع الانشائيه مهما كبرت او صغرت وبيتم الرجوع اليه لو حصل مشكله بين اطراف المشروع للتحكيم بينهم.
- عندنا كذا كود حسب نوع المنشات اللي بنصممها يعني في كود للخرسانه وكود للاستيل وفي اكواد بتخدم عليهم زي كود الاحمال.
- بيتم وضع وتحديث الكود من خلال مجموعه من المهندسين ذو الخبره العمليه والعلميه الكبيره في المجالين الاكاديمي والعملي.
- بيختلف الكود من بلد لبلد حسب طبيعه وظروف البلد واحوالها الاقتصاديه والسياسيه ؛ فمثلا في بلدان الاكواد الخاصه بها مهتمه بالزلازل وبلدان مهتمه بالصقيع وبلدان مهتمه بسوء المصنعيه اثناء التنفيذ وبالتالي المعادلات والاشتراطات ومعاملات الامان بتختلف تبعا لتلك العوامل.

* طب احنا بنحتاج الكود ف ايه ؟؟؟

🙄
- لو انت مهندس تصميم ؛ فكل القوانين ومعاملات الامان ال انت بتستخدمها لازم تكون عارف مرجعها من الكود وتكون عارف الشتراطات والحالات الخاصه للقوانين دي عشان تضمن انك ف السليم.
- لو انت مهندس تنفيذ ؛ فكل الاشتراطات الخاصه باستلام التشوينات وتركيب وفك الشدات وصب ومعالجه الخرسانات كل العناصر دي لازم نكون عارف مرجعها من الكود علشان تتجنب اي اختلافات سواء لو انت مقاول وعاوز تشتغل صح او تعرف تتكلم بقلب جامد لو انت استشاري