مميزات الخرسانه

علي فكره احنا ممكن نبني بيوتنا باي حاجه ممكن تيجي ف بالك ...!
عضم ناس ميته مثلا .. اكياس بلاستيك .. كشاكيل سطور واسعه بتاعة ابتدائي ....
اي حاجه ممكن تيجي ف بالك حرفيا.

👀
كل الموضوع ان عندنا شويه احمال بتسبب اجهادات وعاوزين طريقه امنه واقتصاديه لتلاشي الاجهادات دي ونقل الاحمال بطريقه امنه من فوق لتحت.

احنا من الاخر طرف وسيط بين المتشال ( المبني باحماله ) للي يقدر يشيل ( التربه ).

🤔

طب ليه يا باشمهندس اخترنا الخرسانه المسلحه بالذات يعني ؟؟

🤔
قبل ما نجاوب .. تعالوا نعرف يعني ايه خرسانه اصلا ....
الخرسانة هي عبارة عن خليط غير متجانس من الركام والأسمنت والماء مع بعض الفراغات .. وساعات بنستخدم اضافات لو محتاجين خواص معينة.
ويتم اختيار نسب هذه المواد في الخلطة الخرسانية حسب نوع العمل المطلوب والمواد المتوفرة.
ومع خلط هذه المواد مع بعضها يتم الحصول على الخرسانة التي تبدأ بالتصلب التدريجي مع الوقت حتى تصبح صلبة وقوية ، وتتفاوت قوتها حسب المكونات الأساسية
وكذلك حسب طريقة الرج أثناء الصب ونوعية المعالجة.

طب ليه بنستخدم خرسانه بالذات يعني ؟؟

🤔
عشان حاجات كتير يا باشمهندس زي مثلا:
- ان مكوناتها متوفره وبكثره حوالينا
- سهلة التشكيل .. بقدر اشكلها زي منا حابب
- طول عمرها الافتراضي وزياده مقاوتها و قدرة تحملها مع الزمن
- رخصها كماده انشائيه مقارنه بباقي تلك المواد
- قدرتنا للتحكم ف خصائها علي حسب رغبتنا طبقا لتفاوت اهميه المنشات المختلفه
- واهم حاجه انها قويه جدا ف تحمل اجهادات الضغط

طب علي كدا دي احسن حاجه فالدنيا ومفيش زيها ..

🤨
اجي واقولك لا استني يا هندسه لان مع كل المميزات دي .. فاحنا عندنا شويه عيوب زي مثلا :
- انها ضعيفه ف مقاومة اجهادات الشد
- وزنها كبير وبيمثل نسبه كبيره من احمال المبني
بس العيوب دي بنقدر نتغلب عليها