اهمية الجسات

👷‍♂️ بقولك ايه يا حاج أحمد ..
كنا محتاجين ناخد جستين كدا عشان نوديهم يتحللوا عشان نبدا شغل.

🤔

👴 جستين ؟؟؟ .. ايه الجستين دول يا باشمهندس ؟

😯

👷‍♂️ الجسات دي يا حاج هى حفر بنعملها داخل الارض بغرض الاستكشاف ومعرفه مواصفات التربه ومنسوب المياه الجوفيه فين عشان ميقابلناش مشاكل واحنا شغالين

👴 ليه بس كدا يا باشمهندس .. ما الحاج عبدالله علي ناصيه الشارع باني أهوه ومعملش اللي انت بتقول عليه دا والعماره واقفه وساكنه اهيه ومحدش اشتكي

😏

👷‍♂️ يا حاج أحمد عشان نبقي ف السليم وشغلنا صح لازم ناخد جسات الاول وبعدين دي اهميتها كبيره جدا وبتعرفنا حاجات كتير زي مثلا :
1) تحديد قدره تحمل التربه عشان المصمم الانشائي وهو بيعمل الرسومات يا حاج
2) منسوب التاسيس عشان نشوف هنحفر قد ايه
3) نوع الاساسات اللي هنستخدمها لبشه ولا قواعد وهنحتاج خوازيق ولا لأ
4) بنعرف منها مقدار الهبوط قد ايه عشان المبني ميشرخش بعد كدا
5) تحديد نوع الاسمنت المستخدم ف الاساسات
6) تحديد معامل نفاذيه التربه عشان نشوف هنتعامل مع المياه الجوفيه وتجفيفها ازاي
7) بنعرف كمان أحسن طريقه لسند جوانب الحفر عشان البيوت اللي جنبنا متقعش علينا

👴 خلاص يا باشمهندس توكل علي الله واعمل الصح ........
استنوا باقي معلومات الجسات