اسباب استخدام الحديد في التسليح بدلا من المواد الاخري

عرفنا من البوست اللي فات ان الخرسانه بتستحمل ضغط كويس جدا بس يا عيني مبتقدرش تشيل شد ...!

😥

طب وايه يعني .. انت عامل موضوع ليه بس ..

🤨
مهو عشان هي مبتقدرش تشيل شد احنا بنحطلها اسياخ حديد عشان الحديد كويس ف الحته دي ..

💪

الله !!! هو لازم حديد يعني انا عاوز احط نحاس مش عاجبني الحديد دا

🙋‍♂️ ..!
اقولك حط اللي يعجبك .. الفكره انك عندك اجهادات شد والخرسانه متقدرش تشيل .. اتشقلب بقي وشيلي الاجهادات دي لحاجه تستحمها ..

طب النحاس حلو يعني ولا اسمع كلامك واصمم علي الحديد ؟؟
براحتك انت حر بس لو عاوز رايي وراي الناس
اللي سبقتنا هقولك ان احسن اختيار هو الحديد .. ببساطه خالص يا سيدي لانه :
- قوي جدا في مقاومته للشد.
- التماسك بينه وبين الخرسانة كويس جدا ودا مثبت بتجارب كتيييير جدا.
- معامل التمدد الحرارى لكل من الحديد والخرسانة قريبين من بعض فميحدثش انفصال بينهم باختلاف درجة الحرارة مع مرور الوقت.

😉

✌️

طب اشمعنا اسياخ الحديد مدوره وواخده شكل دائري .. ليه مش مربعه مثلا ولا مسدسه ؟؟
اقولك عشان ببساطه الحديد بيتورد من المصنع علي شكل حاجه من اتنين
- ال 6 مم وال 8 مم بيجوا طارات ملفوفه بتكون حاجه اسمها (ربطه) واحنا بنفردها ف الموقع ودي بنعمل منها كانات
- اما جميع أقطار حديد التسليح بدءاً من 10 مم فما فوق يتم تصنيعها على هيئة أسياخ مشرشرة و طول كل سيخ 12 متر، وتربط كل حزمة من الأسياخ ببعضها و تسمى (طرد).. و وزن طرد حديد التسليح يكون 2 طن من أي قطر

طب برضو مجاوبتش علي سؤالي يا هندسه ؟
اقولك يا سيدي ان ايا كان الحديد اللي بيجي الموقع ف في راجل واقف ع التنايه وبيشكله علي حسب الاستخدام فكون السيخ دائري المقطع فدا بيساعد ف تقليل الاجهادات المتولده علي الحواف الخارجيه للسيخ وعدم تقصفها عكس الاشكال المضلعه

😉
#افهم_خرسانه

💪
#Origin_Academy