ملاحظات علي طرقة التوزيع

انهاردة ان شاء الله هنتكلم عن طرقة التوزيع 🤔و دورها الكبير في تقسيمه الشقه و ازاي ممكن تبوظ مساحه الشقه الكبيرة و ازاي توفرلي في مساحه الشقه الصغيره صحصح معايا بقا 😲.

اول نقطه مهمه جدا لازم تاخد بالك منها و انت بتحط مكان الطرقه متكونش في دخله باب الشقه 🤗 و دا لسببين الأول 1️⃣️ عشان دا بيوحي بصغر مساحه الشقه حتي لو هي كبيرة و كمان بيوصل للشخص إحساس انه مخنوق 😡 و مش مستريح في المكان
و السبب التاني 2️⃣️ لان نتيجه الطرقه دي ممكن تكون الشقه مقسومة نصين 😥 بمعني ان بعض الغرف علي اليمين مثلا اول ما تدخل من الباب و باقي الغرف علي ايدك الشمال بالتالي داب يسبب صعوبة كبيرة جدا للتنقل بين الغرف لانك أحيانا هتضطر انك تمشي في الشقه رايح جاي عشان تعمل حاجه معينه 😭 .

فاكرين فيلم مستر كاراتيه 💪 الشقه بتاعه ممدوح وافي 👨 كان فيها المشكله دي و هي وجود حيطة في دخله باب الشقه و دي حاجه لازم عينك تاخد بالها منها علي طول لان نظرتك للحاجه مش زي نظرة الشخص العادي 😉 احنا مهندسين 👷‍♂️👷‍♀️ .

المهمه الرئيسيه لطرقه التوزيع هي حلقة وصل بين الصاله و بين الغرف ف بالتالي لازم تكون مخدمه علي كل الغرف و الحمام 🛀 و المطبخ 🥗 و بالتالي هنروح لنقطة مهمه جدا و هي الخصوصية 🚫 لازم غرف النوم و المطبخ و الحمام يكونوا منعزلين عن الصاله و الربط بينهم يكون من خلال الطرقة.

لازم تخلي بالك من ابعاد الطرقه بمعني ان عرضها ميقلش عن 1 متر عشان متكونش ضيقه و يفضل ان طولها ميكونش كبيرعشان متحسش انك ماشي في مغاره 🤨 .

الخصوصية 🚫 نقطة مهمة جدا لازم تاخد بالك منها و انت بتحدد مكان الطرقة بحيث ان اللي قاعد في الصاله ميكونش كاشف الاوض 🧐 اللي جوة و كمان متكونش فتحه الطرقه قصاد فتحه غرفه بالظبط .

الأفضل ان الطرقة تكون خط واحد بمعني مش تمشي شوية و بعدين تحود يمين و بعدين شمال 😵 كدا هتفقد ميزة من مميزاتها و انها توصل لاجزاء الشقه بسرعه و تكون كاشف الاوض كلها و انت واقف فيها 😉 .

#تقسيم_المهندسين
#Origin_Academy 💙☝️
#You_Will_Never_Walk_Aolne 🚶‍♂️